BCM Bazar Pastor Bial hi June Ni 1, 1975 a din a ni a, Pathian khawngaihna changin nikum mai khan Golden Jubilee kan lo lawm tawh a ni.

Mizoram chhim lam (Baptist Kohhran Bial chin) ah hian kum 1916 atang khan Pastor-te leh Tirhkohte enkawl turin Bial 5-ah then a ni a. Chung zingah chuan Bial pakhat hming chu Lunglei Pastor Bial tih a ni. 

Hun a lo kal zel a, Lunglei Pastor Bial chuan Inkhawmpui leh Rorelte neiin Kohhran pawh a lo thang zelin mihring chengte pawh an lo pun zel avangin Kohhran enkawl a awlsam deuh nan Assembly-ah Lunglei Pastor Bial chu Bial hniha then dil a ni a, Assembly chuan a remtih hnuah inthen tan hun atan General Committee chuan June 1, 1975 a ruat a. May 24, 1975-ah chuan Lunglei Pastor Bial Standing Committee koh a ni a, chutah chuan inthlahna ruaite kilhoin Lunglei Pastor Bial chu hmun hnih, Lunglei South Bial leh Lunglei North Bial-ah then a ni ta a. Hetiang hian inthen tur a ni tih hi TKP leh BKHP te pawh hriat tir nise, tih a ni.

Bial inthen a nih dawn avangin May 24, 1975 meeting-ah hian Lunglei South Pastor Bial hruaitu turte leh Lunglei North Pastor Bial turte thlan a ni a, Bial chhunga Kohhran awm turte pawh siam fel nghal a ni. Lunglei North Pastor Bial chhunga Kohhran awmte Rahsiveng; Venglai; Bawngveng; Bazar Veng; Zohnuai; Serkawn; Zotlang leh Pukpuite an ni.

‘Lunglei North Bial hmingsak that thu’ tih thu Pastor Bial Rorelna September 25, 1976-ah Agenda-ah a lut a. Bial hming hi a sawi dan thu-ah te, a awm zel danah leh a ziak dan thu-ah te hriat sual palh a awl deuh thin avangin ‘Bazar Bial’ tia hmingthlak nise tih remtih a nih hnuah General Committee-ah thlak dil nise tih a ni. General Committee chuan a pawmpui a, Bazar Bial tih a lo ni ta a ni.

June 1, 1975 hi Lunglei North Pastor Bial tiin hming vuah hmasak nimahse a hming hi thlakin Bazar Pastor Bial tih a nih tak avangin Bial, TKP leh BKHP din tan ni atan hman a lo ni ta. Bazar Pastor Bial hminga Inkhawmpui hmasaber chu Pukpui Baptist Biak Inah neih a ni a, Rorel pawh September 17, 1977-ah neih a ni a, hei hi Rorel vawi 3-na tih a ni ta bawk.

June 1, 1985-ah Bazar Bial chu Bazar Bial leh Zotlang Bialah then a lo ni ta a. Bazar Bial chhunga Kohhrante chu -Bazar Veng; Bawngveng; Venglai; Rahsiveng; Sazaikawn leh Edentharte an ni.

April 10, 2004 ah Bazar Bial chu Bazar Bial leh Rahsiveng Bialah then a lo ni leh ta a. Rahsiveng Bial chu May 1, 2004 ah hawn a ni ta a. Bazar Bial chhunga Kohhran awmte chu - Bazar Veng; Venglai leh Edentharte an ni a. BCM Bazar Veng atang hian BCM Kikawn chu May 5, 2007 khan  a lo indang ve leh ta a. Bazar Bial chhunga awm a nih avangin Bial chhungah hian Kohhran 4 kan lo ni ta a ni.

BCM BAZAR PASTOR BIAL HRUAITUTE :

Chairman           -   C.Hmingliana (BCM Bazar Veng)

Chairman Elect  -  Upa R.Lalrochama (BCM Kikawn)

Secretary           -  Upa Biakchungnunga (BCM Bazar Veng)

Asst. Secretary  -  Upa F.Ainghinglova (BCM Kikawn)

Treasurer           -  Upa P.C.Liankhama (BCM Kikawn)

Asst. Treasurer  -  Upa H.Lalthangmawia (BCM Venglai)

Bialtu Pastor     -  Rev. K.L.Biakchhawna

Pro. Pastor        -  P/P K.Vanlalpeka

Bial Statistics report :  September 2025-a Bial inchhiarna tlangpui hetiang a ni:

1)  Minister & Bialtu Pastor      : 3

2)  Pro Pastor zat                       : 1

3)  Kohhran Upa zat (active)    : 73

4)  Rawngbawltu zat                 : 41

5)  Kohhran chhungkaw zat     : 1,209

6)  Kohhran member zat           : 5,561

7)  Baptisma chang thar zat       : 108

8)  Baptisma chang member     : 4,543

9)  Innei zawng zawng zat        : 31

a)  Dan puitling - 27

b)  Dante - 4

10) Nau hlan thar                      : 68

11) Pawl dang mi lo lut             : 22

12) Ringthar zat                        : 1

13) Mitthi zat                            : 37

14) Pawl danga kal                   : 12

15) TKP member zat                : 2,075

16) BKHP member zat             : 1,276

17) BMP member zat                : 695

18) KNP member zat                : 759

19) Member nghet lo zat           : 660

Assembly Target :

a)  Pathian Ram zauna : 15,376,755

b)  Ramthim              : 9,562,035

c)  Buhfaitham          : 2,543,240

Total   : 27,482,030